حذف حساب صلّوح
تكدر تحذف حسابك بتطبيق صلّوح (Sallouh) بأي وقت، من داخل التطبيق أو بطلب ترسله إلنا إذا ما تكدر تفتحه.
طرق الحذف
من داخل التطبيق
- افتح «حسابي» (للفني: «معلوماتي»).
- انزل لـ«الإعدادات» واضغط «احذف حسابي».
- اكتب كلمة السر وأكّد. إذا ناسيها، اضغط «نسيت كلمة السر؟» بشاشة الدخول ويوصلك رمز على واتساب.
بطلب بالبريد
ارسل من أي إيميل «احذف حسابي» ويا رقم الهاتف المسجّل بيه الحساب. نتأكد إن الرقم إلك برمز يوصلك على واتساب، ونحذف الحساب خلال 7 أيام ونبلغك.
[email protected]من الدعم بالتطبيق
من «حسابي» اختار «تواصل ويا الدعم» واكتب إنك تريد تحذف حسابك، والفريق يكمل وياك.
شنو ينحذف وشنو يبقى
ينحذف فوراً
- صورتك الشخصية، وصور البطاقة الوطنية وصور الأعمال (للفنيين).
- إيميلك ورمز الإشعارات.
- اسمك ورقمك من الحساب، ومن الطلبات والمحادثات والتقييمات.
- الطلبات المفتوحة تنلغي والمحادثات تنغلق.
يبقى بدون اسمك، وما يشوفه أي مستخدم
- الطلبات القديمة ومحادثاتها (العنوان والموقع والصور والرسائل)، وحركات الرصيد، وتذاكر الدعم: حتى نحل أي شكوى أو خلاف مالي ونلتزم بالقانون.
- اسمك ورقمك ورقم عضويتك بسجل خاص بالحسابات المحذوفة يشوفه فريق صلّوح بس: حتى نمنع الرجوع بعد حظر ونحمي المستخدمين من الاحتيال.
- النسخ الاحتياطية للخوادم تنمسح لحالها خلال 14 يوم.
التفاصيل الكاملة بـسياسة الخصوصية وشروط الاستخدام.